Қазақстан Республикасы Қаржы министрінің 2018 жылғы 27 ақпанындағы №306 бұйрығымен бекітілген Дербес шоттарды жүргізу қағидаларының 74-тармағында: келіп түскен салықтар мен бюджетке төленетін төлемдер сомаларының нысаны бекітілген төлем тапсырмасында автоматты түрде көрсетілген салық төлеушінің БСН немесе ЖСН негізінде бюджет кірістерін жіктеу кодтары бойынша дербес шоттарда көрсетілетіні Қазақстан Республикасы Ұлттық Банкі Басқармасының 2016 жылғы 31 тамызындағы №208 қаулысымен бекітілген (бұдан әрі – Қазақстан Республикасының аумағында қолма-қол ақшасыз төлемдерді және (немесе) ақша аударымдарын жүзеге асыру қағидалары. Қолма-қол ақшасыз төлемдерді жүзеге асыру ережелері).

Бұл ретте мемлекеттік кірістер органдарымен салықтарды есепке алу «Орталықтандырылған бірыңғай дербес шот» ақпараттық жүйесінде (ОСДШ АЖ) жүзеге асырылады. ОСДШ АЖ-де бюджетке төлемдерді дербес шоттарға орналастыру төлем тапсырмасының «Ақша жөнелтуші» және «Төлемнің мақсаты» жолында көрсетілген салық төлеушінің БСН/ЖСН бойынша автоматты түрде жүзеге асырылады.

Бюджетке төлемдерді, сондай-ақ міндетті зейнетақы жарналарын, жұмыс берушіден төленетін міндетті зейнетақы жарналарын, міндетті кәсіптік зейнетақы жарналарын және Мемлекеттік әлеуметтік сақтандыру қорына төленетін әлеуметтік аударымдарды, әлеуметтік медициналық сақтандыру қорына аударымдарды және (немесе) аударымдарды төлеу кезінде "төлем мақсаты" бағанында келесі ретпен БСН және міндеттемелері бойынша төлем жүргізілген тұлғаның аты-жөні, төлемнің мақсаты көрсетіледі.

Сондықтан әлеуметтік төлемдерді аудару кезінде «Азаматтарға арналған үкімет» мемлекеттік корпорациясы» КЕАҚ БСН-ін төлеу мақсатында көрсетуге жол берілмейді.