Қытаймен шекарадағы мәселелер: тасымалдаушылар қайда жүгінуі керек?

Жетісу облысы бойынша Мемлекеттік кірістер департаменті қазіргі уақытта Қазақстан мен Қытай шекарасын кесіп өту барысында ҚХР бағытында автокөлік құралдарының қозғалысына байланысты белгілі бір қиындықтар туындап отырғанын хабарлайды.

Жекелеген жағдайларда, «CargoAlem» жүйесінде қазақстандық тарап берген рұқсаттардың электрондық бланкілерін қытайлық тарап олардың жүйесінде көрмеуі, бұл жағдай тасымалдаушылар тарапынан наразылық тудыруда.

Осыған байланысты, туындаған мәселелерді шешу мақсатында Жетісу облысы бойынша Мемлекеттік кірістер департаментінің «Нұр жолы» және «Алакөл» кеден бекеттерінде жауапты лауазымды тұлғалар бекітілді, сәйкесінше, рұқсат бланкілері мәселелері бойынша төменде көрсетілген қызметкерлерге жүгінуіңізге болады.