Жетісуда сыбайлас жемқорлыққа қарсы күрес күшейтіледі: мемлекеттік қызметшілерге арналған ауқымды семинар

Жетісу облысы бойынша Мемлекеттік кірістер департаментінде мемлекеттік қызметшілер арасында әдеп нормаларын нығайтуға және сыбайлас жемқорлыққа қарсы іс-қимылға арналған ауқымды семинар өтті. Іс-шараға түрлі мемлекеттік органдардың өкілдері, соның ішінде департамент, мәслихат, сыбайлас жемқорлыққа қарсы қызмет және Мемлекеттік қызмет агенттігінің басшылығы қатысты. Семинарға аумақтық мемлекеттік кірістер басқармалары мен кеден бекеттерінің қызметкерлері онлайн қосылды.

Семинардың мақсаты - мемлекеттік қызметшілердің құқықтық және этикалық мәдениетінің деңгейін арттыру, сондай-ақ оларды сыбайлас жемқорлықтың алдын алудың заманауи құралдарымен таныстыру.

Жетісу облыстық мәслихатының төрағасы, әдеп жөніндегі Кеңестің мүшесі Г.Қ. Тойлыбаева мемлекеттік қызметшілердің жұмысында адалдық, объективтілік және бейтараптық қағидаттарын қатаң сақтаудың маңыздылығын атап өтті. Ол әрбір мемлекеттік қызметші қоғам үшін үлгі болуға және сыбайлас жемқорлықтың кез келген көріністерінен, оның ішінде мүдделер қақтығысы мен қызметтік жағдайды жеке мақсатта пайдаланудан аулақ болуға тиіс екенін атап өтті.

Семинар барысында қатысушылар мемлекеттік кірістер саласындағы сыбайлас жемқорлықтың өзекті мәселелерін талқылап, олардың алдын алу шараларын әзірледі. Мемлекеттік қызметкерлер арасында лудомания проблемасына ерекше назар аударылды. Түсінікті болу үшін сыбайлас жемқорлыққа қарсы тақырыптағы ақпараттық бейнероликтер көрсетілді.