МӘМС ҮШІН ҚАНША ТӨЛЕУ КЕРЕК?

Жұмыс берушілер қызметкерге жалақының 3% мөлшерінде аударымдар жасайды. Бұл ретте салық салынатын ай сайынғы табыс 10 ЕТЖ (2024 жылы 850 000 теңге) аспауға тиіс, яғни жұмыс берушінің аударымдарының ең жоғары ықтимал сомасы айына 25 500 теңгені құрайды.  

Бұл қаражат қызметкердің жалақысынан ұсталмайды, оларды жұмыс беруші кәсіпорын есебінен төлейді.

АҚС шарты негізінде қызмет көрсететін жалдамалы жұмыскерлер мен жұмыскерлер МӘМС-ке ай сайынғы табысының 2% мөлшерінде жарна жасайды. Салық салу объектісі барлық жұмыс орындарынан айына 10 ЕТЖ (2024 жылы 850 000 теңге) аспауы тиіс, яғни қызметкердің ең жоғары мүмкін жарнасы 17 000 теңгені құрайды.

Жеке кәсіпкерлер 1,4 еселенген ЕТЖ-нің 5% төлейді. 2024 жылы бұл 5 950 теңге.

Егер жеке кәсіпкер есептілікті "нөлмен" тапсырса, бірақ өз қызметін ресми түрде тоқтатпаса, онда ол Салық кодексі талап еткендей жарналарды төлеуді жалғастыруы керек. Әйтпесе, қарыз пайда болады.

Дербес төлеушілер үшін жарналардың мөлшері ағымдағы жылы 1 ЕТЖ-нің 5% -,, 4 250 теңгені құрайды.

Естеріңізге сала кетейік, МӘМС жүйесінде Өзін-өзі сақтандыру үшін қазақстандықтар өткен 12 айдағы қарыздарын өтеуі немесе бір жыл бұрын жарналарын төлеуі керек. Бұл жағдайда әр ай үшін төлемді жеке-жеке жүргізу маңызды.